CORPORECUSTODES seu CORPORIS CUSTODES

CORPORECUSTODES seu CORPORIS CUSTODES

alias Protectores Principis, Item Domestici; et posteriori aevô Buccellarii ac Scurrae, Germani olim fuêre. Duplex enim custodia Imperatoribus cum esset, alteram milites Praetoriani, alteram Germani, obiêre, uti pluribus docet Salmas. ad Lamprid. in Severo, c. 61. Vide infra, in voce Scurra: uti de Σωματοφύλαξι Persiae Regum, infra itid. voce Doryphori: cuiusmodi Corporis custodum etiam in Datame C. Nepos meminit, c. 9. Alexandri M. Σωματοφύλακας numerô VII. quibus post victoriam Indicam Peucestes, qui prius Hypaspis, i. e. clypei gerulus fuerat, additus est, enarrat Arrian. de Rebus Alexandri, l. 6. extremo.